قصه مضحكه واقعيه برضوه

سلااااااااام

ياسر وتهريب المخدرات! قصة قصيرة وواقعية تموت من الضحك!
الإبتسامة تجمع القلوب وتوحدها , وتذهب سخائمها وكيرها ....

لهذا رأيت أن أكتب لكم هذه القصة القصيرة الحقيقية المضحكة علّها تزرع على وجوهكم ابتسامة صباحية أو مسائية جميلة

وأعذروني إن كانت القصة باللهجة العامية

سافر ياسر قبل كم يوم الى دولة خليجية ( يزعم انها سياحية ) تمشى كم يوم ...وجاك محدر على ديرته

ياسر هذا بالمناسبة مطنوخ ...ملقوف ...مزوحي من الدرجة الأولى مع اللي يعرفه واللي ما يعرفه !

حتى أمّه ما سلمت منه ! المهم وصل ياسر الى الجوازات ...لقى المبنى فاضي , ما فيه الا كم عسكري

من عساكر الجوازات اللي نفس الواحد من شيانتها كأنها قطوة ميتة وخايسة لها اسبوع !

المهم راح ياسر وسمت وجهه عند أقرب واحد ..وصكّه بابتسامة الله لا يوريكم

( ضرسين ذهب يتدلون ...وضرس ألومنيوم مثبت بمسمار ) المهم شافه العسكري وقال في نفسه:

أعوذ بالله من الشيطان الرجيم !! رح يا خوي انقلع من قدامي ...اقصد رح تفضل الى الأخ اللي على الطرف هنااااااااااااااك

قال ياسر بصوت خافت : شكله ما عنده ثقة في نفسه ! والا الظاهر موهب كفو يمسكونه أختام !!

راح ياسر للطرفاني ...وقف قدامه ...وقال : أنا أرسلوني ..إِلللللللللللللللللللللل ك ومد يدينه ( وسواها على طريقة ميشو النصراني ثقيل الدم)

ابتسم العسكري وقال بصوت خافت : يا الله إن تعطينا العقل يا رب

سأل العسكري ياسر مازحاًوهو يختم على جوازه ويدخل معلوماته للكومبيوتر : هل معك شيء يا أخ ياسر ؟؟

قال ياسر: شيء مثل ايش يا أخ عسكري ؟؟؟

قال العسكري : يعني ...شيء ممنوع كذا والا كذا يا أخ ياسر؟؟؟

رد ياسر بضحكة ماكرة وغمزه من عينه اليمنى : شيء ممنوع مثل ايش يعني يا أخ عسكري ؟؟

قال العسكري دون أن يرفع رأسه وينظر اليه ( والله ما ألومه ) : يعني ..مثلك عارف ..حشيش ..هيروين ..كوكايين يا أخ ياسر؟؟

ضحك ياسر ضحكة كأنه قاعد على قهوة أبو حدرية هههههههه ...وقال : يخرب بيت سمو حضرة ابليس سعادتك يا أخ عسكري ؟؟

قرّب ياسر من الدريشة اللي تفصله عن العسكري وقال بصوت خافت : والله إن بغيت الصراحة ..ترى معي ..شوي ..بس شوي حشيش استعمال شخصي يا أخ عسكري

أما الترويج فلا والله والعياذ بالله ....! ثم ابتسم وهمس للعسكري يا الله يا عم ابسط حيرقونك على ظهري !! بس ما تنسنيش من الذبيحة !! قالها سعيد وضحك ...وتراي أموت في الكلاوي
والكبدة ....!

طبعاً ياسر كان يمزح لأنه مش حق هالسوالف ...هو حبة بنادول تجيب راسه وتسطله ..!

المهم ...ضحك العسكري ...وقال : طيب يا أخ ياسر ...وين خشيتها ..كيف دسيتها ؟؟؟

قال ياسر بصوت خافت وهو يتلفت ويضحك ( والله إن يطلع ذا الضحك يا ياسر) : في الشكمان ( أي عادم السيارة ) يا أخ عسكري !

قال العسكري : طييييييييييييييييييييييب ..نشوف إن شاء الله استرح شوي اذا سمحت يا أخ ياسر ...نادى العسكري على جندي عنده وهمس له بكلام

وذهب الجندي مسرعاً

قال ياسر: يا ابن الحلال خلصني أنت تدري اني أمزح يا استاذ عسكري ؟؟

قال العسكري : كلها دقايق ونشوف أنت تمزح والا لا ؟؟؟

جاء النقيب ومعه بعض العسكر وتكلم مع العسكري على الدريشة وأمر بالقبض على ياسر

ياسر بغا يغمى عليه من الخوف ...أول مرة يشوف عساكر يقبضون على شخص ..كان أول يشوف يوسف سعبان في المسلسل وهو يمثل دور شرطي

وحسن مصطفى يمثل دور البرادعي المجرم ! أما الحين ..والدور عليه ....والله ورحت فيها يا ابو اليسر

كلبشوا ياسر ..الرجال يحاول يتكلم ما فيش فايدة ..صوته ما يطلع المسكين ...يحاول يسوي طريقة الصم والبكم ما فيه فايدة ...

جابوه عند سيارته (كامري)...
قال له الضابط : في الشكمان هاه ..نشوف الحين يا استاذ ياسر !

جابوا كلب بوليسي وهدوه على سيارة ياسر ...قام الكلب يدور على السيارة ...يدور ..وعيون ياسر تدور معه ...

وهو يفكر يقول : لا يكون أحد من عيال الحرام حط لي شيء في السيارة وأنا مدري ...

المهم قلب ياسر قام يرقع سامري ! ...والكلب يدور ...وفجأة وقف الكلب عند مكان في السيارة وقام ينبح بشدة ..قام سعيدان يكح ..يكح ..اححح ...

يبغا الكلب يروح والا يخاف ..لكن ما فيه فايدة ...تدرون وين وقف الكلب ؟؟؟؟؟ ..

عند الشكمان ! ...

ياسر بغا ينهبل ...الشكمان !! لالالالالالالالالالالالال ا..لا يكون أنا حاط شيء وأنا مدري ! .. ..الشكمان ...مستحيل ...مستحيل ...

قال له النقيب : حبيبي ما فيه مستحيل في هالدنيا ...العب على غيرنا يا استاذ ياسر!

قال الضابط للعسكر : جيبوا المشبك ...جابو أداة مثل المقص أو المشبك

وأدخلوها في الشكمان ليسحبوا اي شيء في داخله ....

ياسر ..قلبه يضرب سامري على كيف كيفكم ! ...

سحبوا المشبك واذا فيه كيس فيه بودرة بيضاء !!

أغمى على ياسر على طول .... ( والله وطلعت أي كلام يا سعيدان ..خخخخخخخخ )

جابوا له موية ...وهفوا عليه مروحة ....المسكين قام يصيح مثل البزر ..الله يلوم اللي يلومه ...يحلف بالله ويقسم أنه فيه خطأ

وانه كان يمزح ...وان احد المهربين في ذلك البلد هو اللي حط له المخدرات في الشكمان من دون ما يدري !! يقسم ..ويحلف ...

ويبكي ..كأنه في فيلم هندي ! ...والله مش أنا ...والله مش أنا ...ايت ايز نوت مي ..نو داس نهاربو هباوي ..
سن فن عن روس فريك ..قام المسكين يتكلم بكل لغات الدنيا ...

حاول الضابط يهدبه شوي حتى يقدر يتكلم معه ويحقق لكنه ما قدر !! ما غير يصايح ... والعالم يطالعونهم...

آخر شيء قال له الضابط : ممكن تنثر وتاكل تبن شوي يا استاذ ياسر ؟؟؟

سكت ياسر ....

فتكلم الضابط وقال : شوف يا استاذ ياسر...

الكيس الأبيض هذا حنا اللي حطيناه حتى نجرب الكلب ونختبره !

خخخخخخخخخخخخخخ

ومنها تتوب مرة ثانية عن المزح اللي مال أمه داعي ....

خخخخخخخخخ

قام ياسر وبحركة هستيرية يبوس في الضابط ..والعساكر ..والناس ...ما صدق المسكين

وصرخ في الختام : توبة ..واللة توبه ( ايه هين هذي كثر منها ) ....أنا تبت على ايدكم ...انا تبت ...